本來, 打算今個暑假帶埋呀仔, 同公公婆婆來個陽光海灘之旅.  

最後, 當然係因為唔想帶住小朋友搭機所以打消念頭. 

只不過, 實在好想, 好想, 好想滿足下去旅行o既慾望.

唯有選擇近近地, 陸路可以去到o既 "大梅沙".

早上十點幾由香港出發.  到達大梅沙已經係中午十二點幾.  入到酒店,  整個 lobby 都係人!!!  嚇呆o左...呵呵...有剛來到 check in o既客人, 亦有等 check out 離開o既客人...實在係好多人好多人...而且...人多自然聲浪大...

我同肥仔先去 check in, 公公婆婆舅父帶埋呀仔去搵食...

酒店為客人 check in o既效率其實算慢.  禮貌其實係 ok, 但服務唔夠體貼, 換句話說, 係用有禮貌o既態度去宛拒客人要求, 而並非盡力滿足客人需要.  感覺上...酒店服務應該還有好多可以改善o既地方...(我個人認為)

可能因為係旺季, 中菜酒樓已經客滿, 因為想快, 所以去o左 lobby 下層　o既 buffet.  嗯, 來個簡單o既結論：lunch buffet 一點都不好吃, 可能因為當日o既主題係什麼 "埃及節"...所以食物品種以及味道......嗯....而且...服務質素....

.

上到房, 感覺上唔錯...

. 

呀仔已經急不及待四週圍攪, 企圖嘗試打開房內每一個櫃通...

.

本來想趁呀仔午睡時間, 同肥仔出酒店以外o既地方搵便利店...誰不知...竟然落大雨!! 雖然只係酒店附近, 塞車時間已經去o左個幾鐘...幾經辛苦泊到車, 打開車門雨水已浸到腳眼...唉...滿街垃圾然後水浸腳眼我重要著住人字拖!!  簡直雙重打擊!!

.

好彩返到酒店已經雨停, 呀仔又剛好起身, 於是, 馬上急步落去酒店泳池＋沙灘～～

. 

看海兩婆孫 ~

泳池兩父子  

. 

游完水, 沖完涼, 已經係晚餐時間.  去o左中午客滿o既中菜部 (好似係外判)...真係好好多, 最重要係好食又唔貴～～

.

晚飯過後, 同肥仔四圍兜, 因為東部華僑城應該o係附近, 亦係我地明天可能會去o既地方.  肥仔揸o左上山o既路線。。。真係好。。。恐怖, 少街燈 加上大霧, 根本睇唔清前面o既路, 再加上車外估計係蟬叫o既聲音, 越上氣氛變得越緊張, 最後未到山頂我心血小已經大叫要掉頭。。。落山後, o係酒店附近食甜品, 然後就返酒店休息。

. 

第二朝, 酒店食完 buffet 早餐, 本想去 "茶溪谷", 因為婆婆有少許唔舒服, 加上有微微雨, 唯有o係茶溪谷內o既酒店行下就算。

o係酒店食完中午就準備離開啦。。。